BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

7 پايىزدىق يپوتەكانى تولەم قابىلەتى بار قازاقستاندىقتار عانا راسىمدەي الادى – ۇلتتىق بانك 

مەملەكەت باسشىسىنىڭ بەس الەۋمەتتىك باستاماسى اياسىندا باسپانا 7 پايىزبەن ۇسىنىلاتىن يپوتەكالىق نەسيەنى راسىمدەۋگە تەك تولەم قابىلەتى بار قازاقستاندىقتار قاتىسا الادى. بۇل جونىندە بۇگىنگى ۇكىمەت وتىرىسى بارىسىندا قر ۇلتتىق بانك ٴتوراعاسى دانيار اقىشەۆ مالىمدەدى، دەپ حابارلايدى baq.kz ٴتىلشىسى.

«تۇرعىن ٴۇي باستاماسىنىڭ جاڭا مۇمكىندىكتەرى ٴاربىر ازامات ٴۇشىن جەڭىلدىك شارتتارىن ۇسىنادى. الايدا، بۇل باعدارلاما ماسىلدىقتىڭ تۋىنداۋىنا سەبەپشى بولماۋى كەرەك. باعدارلامانىڭ قارجىلىق شارتتارى بولاشاق قارىز الۋشىنىڭ تولەم قابىلەتتىلىگىن تالاپ ەتەدى. باعدارلاماعا رەسمي تابىسى بار قازاقستان ازاماتى قاتىسا الادى. ونىڭ ولشەمدەرى ٴقازىر بانكتەرمەن پىسىقتالۋدا»، - دەدى ۇلتتىق بانك ٴتوراعاسى.

دانيار اقىشەۆ، سونداي-اق، رەسپۋبليكا بويىنشا باسپانا باعاسى ٴارتۇرلى بولعاندىقتان، باعدارلامادا ٴىرى قالالار مەن ايماقتار بويىنشا تۇرعىن ٴۇي قۇنىنىڭ جىكتەلۋى دە ەسەپكە الىناتىنىن ايتتى.

«مىسالى، باسپانا قۇنى 7 ملن تەڭگە كولەمىندە بولسا، اي سايىنعى تولەم 50 مىڭ تەڭگەدەن اسپايدى. بۇل، جالپى، جۇمىس ىستەيتىن قازاقستاندىقتاردىڭ باسىم كوپشىلىگى ٴۇشىن قولايلى. سونىمەن قاتار، جەڭىلدىكتى جانە يپوتەكالىق نەسيەلەر تولىق قامتاماسىز ەتىلگەن جانە قايتارىمدى بولۋى كەرەك. يپوتەكالىق قارىز الۋشىلاردىڭ قۇقىقتارىن قورعاۋ بويىنشا سوڭعى جىلدارى ەنگىزىلگەن ٴبىرقاتار نورمالاردى قايتا قاراستىرۋ كەرەك بولادى. سوندىقتان، ۇلتتىق بانك ۇكىمەت قاراۋىنا قاجەتتى زاڭنامالىق تۇزەتۋلەردى جولدايتىن بولادى»، - دەگەن د.اقىشەۆ اتالعان ولشەمدەر باعدارلامانىڭ جوباسى ەكەنىن جانە الداعى ۋاقىتتا ولاردىڭ بارلىعى مەملەكەتتىك ورگاندار جانە بانكتەرمەن تالقىلاناتىنىن ەسكەرتىپ ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي