BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

5 الەۋمەتتىك باستاما: جەتىسۋدا قانداي جۇمىس جاسالماق؟

فوتو: zhetysu.gov.kz

«پرەزيدەنتتىڭ 5 الەۋمەتتىك باستاماسىن» جۇزەگە اسىرۋدىڭ نەگىزگى سالماعى ايماقتارعا تۇسەدى، سەبەبى باسپاناعا مۇقتاج ادامدار، جالاقىسى تومەن جۇمىسشىلار، ٴبىلىم العىسى كەلەتىن جاستار مەن جاتاقحاناعا قولى جەتپەي جۇرگەن ستۋدەنتتەردىڭ ۇلەسى وبلىستاردا باسىم، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

پرەزيدەنت جۇكتەگەن 5 باستامانى قولداۋ مەن ورىنداۋ ٴاربىر اكىمنىڭ مىندەتى عانا ەمەس، ىسكەرلىگىنە سىن بولماق. ال ادەتتە شارۋاعا كەلگەندە قامشى سالدىرمايتىن اكىمدەردىڭ قاتارىندا جۇرەتىن الماتى وبلىسىنىڭ اكىمى اماندىق باتالوۆ ەلباسىنىڭ الەۋمەتتىك باستاماسىن جۇزەگە اسىرۋعا قۇلشىنا كىرىسىپ كەتتى. ول 8 ناۋرىز مەرەكەسىنە وراي جاريالانعان دەمالىس كۇندەرىنە قاراماستان، ورىنباسارلارى مەن باسقارما باسشىلارىنا «پرەزيدەنتتىڭ 5 الەۋمەتتىك باستاماسىن» جۇزەگە اسىرۋعا بايلانىستى «جول كارتاسىن» ازىرلەۋدى تاپسىرىپ، 12 ناۋرىزعا دەيىن ناقتى جوسپار ازىرلەۋدى تالاپ ەتتى.

«مەملەكەت باسشىسى الەۋمەتتىك سالانى جاڭعىرتۋعا باعىتتالعان 5 باستاماسىن ۇسىنۋ ارقىلى ەلىمىز ٴۇشىن وزەكتى، الەۋمەتتىك سالاعا جاڭا سەرپىن بەرەتىن شارالاردى ىسكە اسىرۋدى مىندەتتەدى. بۇل كوپتەن كۇتكەن، ٴبارىمىزدىڭ ويىمىزدان شىققان باستاما بولدى. پرەزيدەنتىمىز ونى ىسكە اسىرۋ ٴۇشىن ەل ەكونوميكاسىنىڭ تولىق مۇمكىندىگى بار ەكەنىن اتاپ ٴوتتى. ەندى سول باستامالارعا ناقتى توقتالىپ، اتقاراتىن جۇمىستارىمىزدىڭ باعىت-باعدارىن ناقتىلاپ الۋىمىز قاجەت»، - دەدى اماندىق باتالوۆ.

ەندىگى جەردە باتالوۆ كومانداسىنىڭ مەرەكەلىك كوڭىل-كۇيىنىڭ جەمىسىن الەۋمەتتىك باستامالاردىڭ وڭتايلى ورىندالۋىنان بايقايتىن بولامىز. ال ۇسىنىستاردا ناقتىلانعان 5 باعىتتىڭ جۇزەگە اسۋىنا نەگىز بولاتىن ٴىس جەتىسۋدا جوق ەمەس. مىسالى، حالىقتى تۇرعىن ۇيمەن قامتۋ جۇمىستارى بويىنشا وبلىس رەسپۋبليكا بويىنشا الدىڭعى ورىندا. وتكەن جىلى باسپا سالۋ بويىنشا جوسپار 5،7 پايىزعا ارتىعىمەن ورىندالدى. اۋماعى 646 مىڭ شارشى مەتردى قامتيتىن تۇرعىن ٴۇي كەزەگىن كۇتكەن ادامدارعا بەرىلدى. جالپى ايماقتاعى باسپاناعا مۇقتاج ادامداردىڭ سانى 40 مىڭنىڭ ۇستىندە.

«وبلىستا قۇرىلىس قارقىندى جۇرگىزىلگەنىمەن، ٴۇي باعاسىنىڭ تۇرعىندارعا قولجەتىمدى بولۋى قيىندىق كەلتىرەتىن. ادامداردىڭ يپوتەكا مەن نەسيەگە قول جەتكىزۋى وڭاي بولمادى. ەندى ەلباسى ۇسىنعان «7-20-25» باعدارلاماسى ارقاسىندا جەرلەستەرىمىزدىڭ باسپانالى بولۋىنا جاعداي جاسالادى»، - دەيدى اماندىق باتالوۆ.

الماتى وبلىسى اگرارلىق ايماق بولعاندىقتان، نەگىزىنەن اۋىل شارۋاشىلىعىندا ەڭبەك ەتەتىن ادامداردىڭ تابىسى دا جوعارى ەمەس. ٴوزىن-وزى جۇمىسپەن قامتيتىن ادامداردىڭ ۇلكەن توبى بار. دەمەك، جالاقىسى تومەن توپتىڭ قاراسى قالىڭ. تابىس سالىعىن 1 پايىزعا دەيىن ازايتۋ باستاماسى جەتىسۋلىقتاردىڭ بۇل ماسەلەسىن شەشەتىنى انىق.

ٴبىلىم الۋعا بولىنەتىن گرانت سانىنىڭ كوبەيۋى وقۋعا ىنتالى جاستاردىڭ قاتارىن دا كوبەيتەتىنى انىق. ٴقازىر ايماقتاعى جەتىسۋ مەملەكەتتىك ۋنيۆەرسيتەتىنىڭ كۇندىزگى بولىمىندە 3 مىڭنان استام ستۋدەنت وقىپ جاتىر. ولاردىڭ جاتاقحانامەن قامتاماسىز ەتىلۋى ٴماز ەمەس. 2 جاتاقحانا كورپۋسى بار، ولار تەك 500 ادامدى قابىلداي الادى. مۇنىڭ سىرتىندا تالدىقورعان، تالعار قالالارىنداعى كاسىپتىك ٴبىلىم بەرەتىن ارناۋلى وقۋ ورىندارىنىڭ ستۋدەنتتەرى دە جاتاقحانا تاپشىلىعىن سەزىنۋدە. دەمەك، وبلىس اكىمىنىڭ الەۋمەتتىك باستامالاردى جۇزەگە اسىرۋ بويىنشا اتقاراتىن ٴىسى شاش ەتەكتەن.

پرەزيدەنتتىڭ «شاعىن نەسيە بەرۋدى كوبەيتۋ» باستاماسى دا جەتىسۋلىق كاسىپكەرلەر ٴۇشىن قولايلى. وبلىس بويىنشا بىلتىر جالپى قۇنى 4،3 ميلليارد تەڭگەنى قۇرايتىن 840 شاعىن نەسيە تاراتىلعان. ٴبىراق، ەسەپتەلگەن قاراجات جەتپەي قالىپ، 3148 ادام قارجىدان قاعىلدى.

جالپى اماندىق باتالوۆتىڭ اكىمدىك قىزمەتىندە ەرەكشە ەستە قالاتىن جاڭالىق رەتىندە وبلىس ورتالىعىنا تابيعي گاز جەلىسىن تارتۋدى تولىق اياقتاۋ ٴىسىن ايتۋعا بولادى. 2020 جىلى ايماقتى كوگىلدىر وتىنعا قوسۋ جۇمىستارى تولىقتاي اياقتالادى دەپ كۇتىلۋدە. ٴقازىر 11 اۋداندا تابيعي گاز بار. ەلباسى ۇسىنعان 5 الەۋمەتتىك باستاما اياسىندا گازداندىرۋ جۇمىستارىنا ەرەكشە كوڭىل بولىنەتىن بولادى. قازىرگى كۇنى تالدىقورعان قالاسىنىڭ اۋماعىنا كەلىپ، توقتاعان گاز قۇبىرى جەلىسىن الاكول، سارقان، اقسۋ سياقتى شالعاي اۋداندارعا دا تارتۋ ماسەلەسى كۇن تارتىبىنە شىعىپ وتىر. ياعني، 5 الەۋمەتتىك باستاما بويىنشا جەتىسۋدا اۋقىمدى جۇمىستار اتقارىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي