BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

بريۋسسەلدە قازاقستانداعى ومبۋدسمەن مەكەمەسىنىڭ قىزمەتىنە وڭ باعا بەرىلدى

بۇل تۋرالى بريۋسسەل قالاسىندا (بەلگيا) ەۋروپالىق وداق پەن بۇۇدب اراسىنداعى جىل سايىنعى كەڭەستەر شەڭبەرىندە «ورتالىق ازياداعى زاڭ ۇستەمدىگى جانە ادام قۇقىقتارى سالاسىنداعى وڭىرلىك ىنتىماقتاستىق" تاقىرىبىنداعى پرەزەنتاسيا بارىسىندا بەلگىلى بولدى، دەپ حابارلايدى baq.kz اقپارات اگەنتتىگى.

ونىڭ جۇمىسىنا ورتالىق ازيا ەلدەرىنىڭ پارلامەنتتەرىنىڭ، ۇكىمەتتەرىنىڭ، ۇلتتىق قۇقىق قورعاۋ مەكەمەلەرىنىڭ (ۇققم)، سونداي-اق ازاماتتىق سەكتورىنىڭ وكىلدەرى قاتىستى.

ٴىس-شارا بارىسىندا وڭىرلىك قۇقىق قورعاۋ ىنتىماقتاستىعىنىڭ وزەكتى ماسەلەلەرى تالقىلاندى، بىرلەسكەن جوبالار شەڭبەرىندە ىسكە اسىرۋدىڭ باسىم باعىتتارى، سونداي-اق شەشىلۋى وڭىرلىك ٴوزارا ٴىس-قيمىلدى تالاپ ەتەتىن ادام قۇقىقتارى سالاسىنداعى پروبلەمالىق ماسەلەلەر مەن سىن-قاتەرلەر بەلگىلەندى.

قازىرگى ۋاقىتتا ورتالىق ازيا ەلدەرىنىڭ ٴۇققم-ى ارىپتەستىكتىڭ، سونىڭ ىشىندە ورتالىق ازياداعى ۇققم (casi nhri) جانە قۇقىق قورعاۋشىلاردىڭ ايماقتىق پلاتفورماسىن قولداۋ جونىندەگى بىرلەسكەن باستامانىڭ شەڭبەرىندە وڭ تاجىريبەسىن كورسەتىپ وتىر.

اتالعان سەرىكتەستىكتىڭ باستاماشىسى بۇۇدب مەن بۇۇ اقجكب وڭىرلىك وكىلدىكتەرىنىڭ قولداۋىمەن قازاقستان ومبۋدسمەنىنىڭ مەكەمەسى بولىپ تابىلادى. سەرىكتەستىك 2017 جىلى الماتىدا ورتا ازيالىق ومبۋدسمەندەردىڭ كەزدەسۋى بارىسىندا باستالدى، ول وسى جىلدىڭ اقپان ايىندا جەنەۆادا ۇققم عالامدىق اليانسىنىڭ جىل سايىنعى وتىرىسىنىڭ شەڭبەرىندە وسىنداي كەزدەسۋدە بەكىتىلىپ، وندا بىرلەسكەن جۇمىستىڭ "جول كارتاسى" ازىرلەندى.

«جوعارىدا اتالعان حالىقارالىق ۇيىمداردىڭ پىكىرى بويىنشا، قازاقستان بۇگىنگى كۇنى ادام قۇقىقتارىن قورعاۋ سالاسىنداعى وڭىرلىك ارىپتەستىكتىڭ كوشباسشىسى بولىپ تانىلىپ وتىر. وسى تۇرعىدا قازاقستاننىڭ كوشى-قون جانە گەندەرلىك ساياساتىنداعى، بالالاردىڭ قۇقىقتارىن قورعاۋداعى وڭ تاجىريبەسى ونى ورتالىق ازيا ەلدەرىندە قولدانۋ ماقساتىندا قاراستىرۋعا ۇسىنىلۋى مۇمكىن»، - دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي