BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

بيزنەستىڭ جول كارتاسى. 500-دەن استام جوبا ماقۇلداندى

فوتو: Автор

پاۆلودار، baq.kz ٴتىلشىسى. وبلىس ورتالىعىندا ٴبىر كۇندە ونداعان شاعىن جانە ورتا بيزنەس نىسانى اشىلدى. ولاردىڭ باسىم بولىگى حالىققا قىزمەت كورسەتى سالاسىنا تيەسىلى.

پاۆلودار قالالىق كاسىپكەرلىك جانە اۋىل شارۋاشىلىعى ٴبولىمى باسشىسىنىڭ مىندەتىن اتقارۋشى ارمان اسيپوۆتىڭ مالىمەتىنشە، «بيزنەستىڭ جول كارتاسى» باعدارلاماسى ىسكە قوسىلعالى بەرى 500-دەن استام جوبا جۇزەگە اسىرىلعان. بۇل يگىلىككە مەملەكەتتىڭ بيۋدجەتتەن 58 ملرد. تەڭگەنىڭ قاراجاتى بولىنگەن.

«مەملەكەتتىك قولداۋدى كورگەن كاسىپكەرلەر قوعامدىق تاماقتانۋ، سۇلۋلىق سالوندارى، تىگىن سەحتەرى سياقتى جاڭا نىساندارىن اشىپ جاتىر. ٴبىر سوزبەن ايتقاندا، تۇرعىندارعا قىزمەت كورسەتۋ سالاسى وركەن جايىپ كەلەدى. ماسەلەن، پاۆلوداردا ٴبىر كۇندە بىرنەشە تاماقتانى ورنى مەن سۇلۋلىق سالوندارى جۇمىستارىن باستادى. «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى شەڭبەرىندە 23 كاسىپكەر شاعىن نيسە الىپ، جەكە ىستەرىن دامىتتى. بۇل باعىتتا 22 ملن. تەڭگەگە جۋىق قارجى ٴبولىندى»، - دەيدى ارمان اسيپوۆ.

ەسىكتەرىن ايقارا اشقان نىسانداردىڭ قاتارىندا پيسسا ازىرلەيتىن تاماقتانى ورنى بار. كاسىپكەرلەردىڭ ايتۋىنشا، وڭىردە حالىققا قىزمەت كورسەتۋ جانە قوعامدىق تاماقتانۋ ورىندارىنا سۇرانىس جوعارى. سوندىقتان، تۇتىنۋشىنىڭ سۇرانىسى مەن زامان تالاپتارىنا ساي قىزمەت ەتەتىن ورىندار كوپتەپ اشىلۋدا.

«ٴبىز پيسسا دايىندايتىن كافە اشۋدى ٴجون سانادىق. سۇرانىس بار. نىساننىڭ تۇساۋىن كەسكەن كۇنى ٴبىر كۇندە 500 تاعام ازىرلەپ، ارزان باعامەن ساتتىق. ٴبىر كۇندەىك اكسيا ناتيجەسىندە پاۆلودارلىقتار ٴبىزدىڭ اس مازىرىمىزبەن تانىستى. جۇمىس بارىسىندا سيفرلىق تەحنولوگيالاردى قولدانامىز. ياعني، تاپسىرىس الۋ، ونى كليەنتكە جەتكىزۋ ۇردىستەرى ٴجىتى باقىلاۋىمىزدا. قىزمەت ساپاسى جوعارى بولۋىن قاداعالايمىز. 30 جاڭا جۇمىس ورنىن قۇردىق»، - دەيدى كاسىپكەر نيكيتا تاراسوۆ.

قازىرگى تاڭدا پاۆلودار قالاسىندا 30 مىڭنان استام شاعىن جانە ورتا بيزنەس سۋبەكتىسى جۇمىس ىستەيدى. بۇل –جەرلەردە وبلىس ورتالىعى حالقىنىڭ تورتتەن ٴبىر بولىگى ەڭبەك ەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي