Ақтөбе облысында жол апатынан әкесі мен үш баласы қайтыс болды, деп хабарлайды BAQ.KZ Polisia.kz сілтеме жасап.
Polisia.kz сайтының мәліметінше, 21 ақпанда Mitsubishi Montero Sport автокөлігінің жүргізушісі Самара-Шымкент автожолының 938 шақырымында қарсы қозғалысқа арналған жолаққа шығып, қарсы бағытта келе жатқан Volvo жүк көлігімен соқтығысқан.
Mitsubishi автокөлігінің жүргізушісі, 29 жастағы әйел Әйтеке би ауданының ауруханасына жатқызылды, жолаушы 31 жастағы жұбайы және 2017, 2015 және 2020 жылдары дүниеге келген үш кәмелетке толмаған бала оқиға орнында қайтыс болды,- делінген хабарламада.
Қылмыстық кодекстің 345-бабы 4-бөлігі "Абайсызда екі немесе одан да көп адамның өліміне әкеп соққан ЖҚЕ бұзу" бойынша сотқа дейінгі тергеп-тексеру басталды.
