Ақтөбеде су тасқынына қарсы іс-шараларға 6655 әскери бөлімінің сарбаздары атсалысып жатыр, деп хабарлайды BAQ.KZ.
Әскерилер қолдарына күрек алып, көшелердегі арықтарды тазартып жатыр.
Темір ауданы Шұбарқұдық ауылдық округі әкімі Қайрат Нұралы 2023 жылғы наурыздың 6-нан 7-не қараған түні Шұбарқұдық кентінде қатты жауын-шашын мен ауа райының күрт жылыну салдарынан су басқан елдімекендегі жағдайды баяндады.
Қазіргі таңда кіре берісте асфальт жолынынан асып аққан сулар тоқтатылды, сонымен қатар жол компаниясының мердігерлерімен ФБС 80 шебень материалдары қазылып қалған орындарға төселіп жатыр.
