Ақтауда толасыз жауған жауын салдарынан, көшелер суға толып, жүргіншілерге ыңғайсыздық туғызды.
Жағдайға бойымыз үйренді. Жаңбырдан кейін межелі жерге жету үшін жаяу жүргіншілер шалшықсыз, батпақсыз жолдарды, ал жүргізушілер айналма жолды іздейміз, - дейді тұрғындар.
Ал Ақтау әкімдігі жаңбыр суын айдау жұмыстары жүріп жатқанын хабарлады. Шағын аудандар ішіндегі автожолдар мен аумақтардан 350 текше метр су сорылған.
Жұмысқа 13 қызметкер, 12 мотопомпа және 4 арнайы техника жұмылдырылған.
Бүгін жауған жауын-шашынның көлемі 5-10 мм болды. Жалпы су тасқынына қарсы күреске 24 қызметкер, 6 мотопомпа және 4 арнайы техника жіберілді. Ақтауда 290 текше метр су, Мұнайлы ауданында 1300 текше метр су сорылды, - деп хабарлады Маңғыстау облысының төтенше жағдайлар департаменті.
1
1
0
2
0
