Маңғыстау облысының жер ресурстарын басқару департаментімен бақылау мен қадағалау субъектісіне (обьектісі) бару арқылы жүргізілген профилактикалық бақылау барысында Жер Кодексінің 48-бабы талаптарының сақталмағандығы анықталды, деп хабарлайды BAQ.KZ.
Кадастрлық (бағалау) құны –646,1 млн.теңгені құрайтын 3 жер учаскесі (35,5985 гектар) қала әкімдігімен заңсыз табысталған.
Маңғыстау облысының мамандандырылған ауданаралық экономикалық сотының 2024 жылғы 2 тамыздағы шешімімен Департаменттің жер учаскелерін мемлекет меншігіне қайтару туралы талап-арызы қанағаттандырылды.
Сот шешімі заңды күшіне енді.
