Трамп президенттік сайлауда жеңіске жеткеннен кейін Флоридадағы резиденциясында алғашқы үлкен баспасөз мәслихатын өткізді, деп хабарлайды BAQ.KZ тілшісі currenttime.tv-ге сілтеме жасап.
Дональд Трамп АҚШ-қа қауіпсіздікті қамтамасыз ету үшін Гренландия "қажет" деп мәлімдеді және бұл үшін "әскери күш"қолдануды жоққа шығармады. Бұл оның Гренландияның АҚШ-қа қосылуы туралы алғашқы сөзі емес.
Гренландия біздің жеке қауіпсіздігімізді қамтамасыз ету үшін қажет. Біз, яғни адамдар мұны бұрыннан айтып келеміз. Онда шамамен 45 мың тұрғын бар. Данияның Гренландияға заңды құқығы бар ма, жоқ па, мұны ешкім де білмейді. Егер ондай құқығы болған күннің өзінде олар одан бас тартуы қажет. Өйткені ол біздің ұлттық қауіпсіздігіміз үшін қажет, - деді АҚШ президенті.
Сондай-ақ, Дональд Трамп баспасөз мәслихатында егер Дания аралды сатудан бас тартса, АҚШ олардың тауарларына сауда бажын енгізетінін мәлімдеді.
Бұл мәлімдемеге жауап ретінде Данияда оларға "құрметпен қарауға" шақырды және елдің елтаңбасында Гренландия символдарын көбейтті. Бұған дейін Дания үкіметі аралды қорғауға кететін шығындардың айтарлықтай өскенін айтқан болатын.
Халықаралық құқыққа сәйкес аталған арал Екінші дүниежүзілік соғыстан кейін Данияның колониясы емес деп танылды. Оның кең автономиясы бар, бірақ Дания корольдігінің құрамына кіреді.
