АҚШ-тың барлау агенттіктері жариялаған есепке сәйкес, қазіргі таңда Құрама Штаттарға негізгі әскери және киберқауіп төндіріп отырған ел – Қытай, деп хабарлайды BAQ.KZ.
Оnline.ua мәліметінше, құжатта Қытайдың АҚШ-қа кәдімгі қарумен соққы беруге, кибершабуылдар арқылы инфрақұрылымға зиян келтіруге және ғарыштағы нысандарға шабуыл жасауға мүмкіндігі бар екені айтылған.
Ресей бұрынғыдай АҚШ үшін басты қауіп саналып отырған жоқ.
Дональд Трамптың командасын әсіресе Қытайдың 2030 жылға дейін АҚШ-ты әлемдік көшбасшылықтан ығыстыруға бағытталған белсенді әрекеттері қатты алаңдатады.
Сонымен қатар есепте Ресей, Иран, Солтүстік Корея және Қытайдың бірлесіп АҚШ-қа қарсы ықпал ету кампанияларын жүргізіп жатқаны айтылады. Олар саналы түрде ақпараттық және саяси шабуылдар ұйымдастыру арқылы өз мүдделеріне жетуді көздейді.
Ресейдің Украинаға қарсы соғысы – АҚШ үшін батыс қаруы мен барлау жүйелерінің ірі ауқымды соғыста қаншалықты тиімді екенін бағалауға мүмкіндік беретін «бағалы сабақ» ретінде қарастырылып отыр.
АҚШ барлаушыларының айтуынша, Қытай Халық-азаттық армиясы жасанды интеллект негізіндегі үлкен тілдік модельдерді (яғни, ChatGPT секілді жүйелерді) жалған жаңалықтар тарату, жалған тұлғалар жасау және кибершабуыл ұйымдастыру үшін пайдалануға тырысқан.
Қытай әскері гипердыбыстық қарулар, радарға көрінбейтін ұшақтар, заманауи суасты қайықтары, ғарыштық технологиялар, киберсоғыс құралдары мен ядролық қару арсеналын белсенді түрде дамытып жатыр», – деді Ұлттық барлау директоры Тулси Габбард.
0
0
0
0
0
