Ақмола облысының тұрғыны алимент төлемегені үшін сотталды

Ерейментау ауданының прокуратурасымен кәмелетке толмаған балалардың пайдасына алимент өндіру бойынша жұмыс тұрақты түрде жүргізілуде, деп хабарлайды BAQ.KZ.

Биыл прокуратураның бастамасымен ҚК-нің 139-бабы (балаларын күтіп-бағуға арналған қаражатты төлеу жөніндегі міндеттерді орындамау) бойынша қаскөй борышкерге қатысты сотқа дейінгі тергеп-тексеру басталды.

Осылайша, борышкер бір жылдан астам уақыт бойы кәмелетке толмаған үш баланың пайдасына 1,7 млн теңгеден астам алимент төлеуден жалтарған. Сотта мемлекеттік айыптаушы борышкердің кінәсін толық дәлелдеді. 5 қарашада сот қаскөй борышкерге пробациялық бақылау белгілей отырып, бір жыл мерзімге бас бостандығын шектеу жазасын тағай ындау туралы үкім шығарды, - делінген хабарламада.

Сондай-ақ, прокуратураның бастамасымен 4,2 млн теңге қарызы бар басқа борышкерге қатысты сотқа дейінгі тергеп-тексеру басталды.

Сонымен қатар, Ерейментау ауданы прокуратурасының шараларымен кәмелетке толмаған балалардың пайдасына 1,5 млн теңгеден астам сомаға алимент өндірілді.

Аудан прокуратурасымен кәмелетке толмағандардың құқықтарын қорғауға бағытталған шараларды қабылдау жалғастырылуда.