Ақмола облысында жабайы аңның республикалық тас жолға шығуына байланысты бірден екі жол апаты орын алды. 38 жастағы жүргізуші зардап шекті, деп хабарлайды BAQ.KZ ақпарат агенттігі Polisia.kz-ке сілтеме жасап.
Полицейлер анықтағандай, жабайы бұлан республикалық Нұр-Сұлтан - Петропавл тас жолына шығып кеткен. Салдарынан бірден екі автокөлікке механикалық зақым келген, ал олардың бірінің жүргізушісі түрлі жарақатпен емдеу мекемесіне жатқызылды.
Апат 18 қыркүйек күні таңғы сағат 07:00 шамасында болған. Қазіргі уақытта Бурабай ауданының полиция бөлімінің қызметкерлері оқиғаның барлық мән-жайын анықтап жатыр.
