Бүгін «Ақ жол» демпартиясының сайлауалды штабы үгіт-насихат жұмыстары аясында «Әр жүрекке - жол» акциясын өткізіп, оның барысында штаб мүшелері Астана қаласының тұрғындарына үгіт материалдарын таратты, деп хабарлайды BAQ.KZ.
«Үгіт науқанының аяқталуына санаулы күндер қалды. Еліміздің түкпір-түкпірінде, ірі қалалардан шалғай ауылдарға дейін біздің волонтерлар мен белсенділер халықпен жұмыс істеуде. Бүгін біз «Әр жүрекке - жол» акциясын өткізіп, оның аясында үгіт-насихат материалдарын таратып, тұрғындармен әңгімелестік, партияның саяси бағдарламасын туралы таныстырдық», - деді Астана қалалық штабының мүшесі Аяулым Мұқашева жұмыс барысы туралы.
«Ақ жол» демпартиясы ел аумағы бойынша жұртшылықпен, еңбек ұжымдарымен кездесулерін жалғастыруда.
