Нұр-Сұлтан, BAQ.KZ тілшісі. Бұл туралы ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов Сыбайлас жемқорлыққа қарсы іс-қимыл агенттігінің жарты жылдықтағы қорытындысы бойынша алқа отырысында айтты.
Сондай-ақ ол өткен жылы 40 млрд теңге артық шығындар анықталса, биылғы бірінші жарты жылдықта 36 млрд теңге анықталғанын айтты.Қазіргі уақытта Агенттік «Атамекен» ҰКП-мен бірлесіп конкурстар бойынша сатып алу бағаларына мониторинг және талдау жүргізуде. Мысалы, Батыс Қазақстан облысы Казталов ауданының әкімдігі ауданы 40-тан 60 шаршы метрге дейінгі пәтерді 30 млн теңгеге сатып алуды жоспарлады. Мұндай бағалар тіпті елордада да жоқ екені анық. Біздің ұсынысымыз бойынша баға 6 есеге төмендеді, – деді
Марат Ахметжанов.
Ол бұл мәселені шешу үшін Агенттік мемлекеттік жоспарлау және мемлекеттік сатып алу порталдарын біріктіруді, бюджеттік өтінімдерді орналастырудың жариялылығын, біртекті тауарлар үшін бірыңғай ерекшелік пен бағаны белгілеуді, сондай-ақ бюджет қаражатын бөлуден бастап игеруге дейін сүйемелдеуді енгізуді ұсынғанын атап өтті.Біз көрсеткіштің өсуі туралы жетістік деп айтамыз, бірақ іс жүзінде бұл проблемалық сигнал. Бағаны көтеру – алдағы уақыттағы пара алу мен қайтару үшін алғашқы қадам, - деп атап өтті Антикор басшысы.
Марат Ахметжановтың айтуынша, бұл бастамалардың барлығын Мемлекет басшысы қолдап, үкімет тиісті шаралар қабылдап жатыр.
