Қазақстан Республикасының Сыбайлас жемқорлыққа қарсы іс-қимыл агенттігінің Төрағасы Олжас Бектенов БҰҰ азаптауға қарсы комитеті мен Дүниежүзілік ұйымның өкілдерімен кездесті, деп хабарлайды BAQ.KZ.
БҰҰ азаптауға қарсы комитетінің Вице-төрағасы Ана Раку Қазақстанның құқық қорғау жүйесінің диалогы мен реформаларына ашықтығы мен дайындығын атап өтті.
Антикор басшысы кездесу барысында Сыбайлас жемқорлыққа қарсы саясаттың негізгі бағыттарымен таныстырып, сыбайлас жемқорлық туралы істердің алдын алу және тергеу шаралары туралы хабардар етті.
Мемлекет басшысы Қасым-Жомарт Тоқаев азаптау мен қатыгездік сияқты ортағасырлық құбылыстарды түбегейлі жою қажеттігін нақты атап өтті. Парламент осы саладағы жауапкершілікті күшейтетін заң жобасын қарастыруда, – деді Агенттік Төрағасы.
Кездесу барысында Бектенов жемқорлыққа қарсы іс-қимыл саласындағы халықаралық стандарттарға бейімділігін атап өтті: «Біз үшін Еуропа Кеңесінің (ГРЕКО) сыбайлас жемқорлыққа қарсы күрес жөніндегі мемлекеттер тобына мүшелік ету үлкен практикалық маңызға ие», сондай-ақ қылмыстық істерді тергеу кезінде Стамбул хаттамасының талаптарын сақтау.
Халықаралық сарапшылар еліміздің сыбайлас жемқорлыққа қарсы саясатындағы акценттерді оң бағалап, стандарттар мен озық тәжірибелерге сәйкес келуге ұмтылысын атап өтіп, Агенттік қызметкерлері үшін бірлескен семинарлар мен тренингтер өткізу уағдаластығына қол жеткізді.
