Жылыту маусымына дайындық барысында қазандықтардың 93% жөнделді

Нұр-Сұлтан, BAQ.KZ. ҚР Үкіметінің баспасөз орталығында 2019-2020 жж. күзгі-қысқы кезеңге дайындық барысы туралы баспасөз конференциясы өтті. 

Шараға энергетика вице-министрі Сұңғат Есімханов қатысты. 

"Алдағы күзгі-қысқы кезеңде ел тұтынушыларын тұрақты энергиямен жабдықтау үшін Қазақстанның бірыңғай энергетикалық жүйесі электр станцияларының негізгі жабдықтарын жөндеудің 2019 жылға арналып бекітілген кестесіне сәйкес 11-ден 5 энергоблоктың жөндеуі аяқталды, бұл жылдық жоспардың 45% - ын құрайды, 63 қазандықтың 40-ы, бұл жылдық жоспардың 63% - ын құрайды, 46 турбинаның, бұл жылдық жоспардың 50% құрайды. Әр түрлі кезеңдерде 4 энергоблокта, 28 қазандықта, 18 турбинада жұмыстар жүргізілуде", - делінген хабарламада.

Ағымдағы күнге электр беру желілері бойынша 21 мың км электр беру желілерін жөндеуі орындалды, бұл жыл жоспарының 84%-ын құрайды және 1152 қосалқы станциялары, бұл жыл жоспарының 92% - ын құрайды және 2966 РП, ТП, КТП, бұл жыл жоспарының 83%-ын құрайды.

Сонымен қатар, орталықтандырылған жылумен қамтамасыз ету аймағындағы 459 қазандықтың 428-і жөнделді, бұл жоспардың 93%-ын құрайды.

Жалпы жөндеу жұмыстарын орындау кесте бойынша жүзеге асырылуда.

Электр станцияларының отын қоймаларында жалпы 4 млн тонна көмір және 101,9 мың тонна мазут жинақталған, бұл жалпы нормативтік қорына сәйкес келеді.

Энергия кәсіпорындарының отынды сатып алуы жасалған шарттарға сәйкес жүргізіледі. Отынды жеткізу кесте бойынша жүзеге асырылуда.