Жылыой ауданында «Сергек» камерасы қайта қосылды

Жылыой ауданында «Сергек» камерасы қайта қосылды, деп хабарлайды BAQ.KZ.

Жол бойындағы қауіпсіздікті қамтамасыз ету мақсатында, Жылыой ауданы аумағында «Сергек», «Аркан», «Интегра» құрылғылары 10-шы маусымнан бастап толықтай іске қосылды.

Еске сала кетсек, Атырау облысындағы табиғи сипаттағы төтенше жағдай бойынша жедел штабтың шешімімен, Құлсары қаласында тасқын кезінде 4 сәуірден бастап «Сергек» бейнекамералары автоматты түрде өшірілген болатын.

Қазіргі уақытта Жылыойда жолдағы қауіпсіздікті қамтамасыз ету үшін орнатылған бейнекамералар саны – 800.