Жылы үйлерге арналған пенопласт қалай өндіріледі
Нұр-Сұлтан, BAQ.KZ. Шахтинск қаласында құрылысшыларды пенопластпен қамтамасыз ететін кәсіпорын жұмыс істейді.
Бұл туралы Қарағанды облысы әкімдігінің баспасөз қызметі хабарлады.
Бұл материал ең танымал және жиі қолданатын жылытқыштардың бірі. Өнім бүкіл Қазақстан бойынша сұранысқа ие.
Өндіруші микроскопиялық түйіршіктер үлкен блок-параллелепипедке қалай айналатыны туралы баяндап, технологиялық процесті көрсетті.
– Пенопласт өндірумен айналысу идеясы 2000-шы жылдардың басында келді, бұған дейін менде әртүрлі бизнес болды: наубайхана, жүк тасымалдау. Мен бос қалған көкөніс базасын сатып алдым. Инженерлік коммуникацияларды қалпына келтіруге қаржы салдым. Сонан соң желі сатып алдым. Өндіріс 2007 жылы іске қосылды, бірақ ол кезде белсенді құрылыс болған жоқ, алғашқы екі жыл минуспен жұмыс істеуге тура келді. Біртіндеп сұраныс өсе бастады. Ал 2010 жылы пайдаға шықтық. Жолымызда түрлі қиындықтар болғанымен, ісіміз дұрыс болып шықты, – деп жеке кәсіпкер Сергей Матюхин өзінің бизнес тарихымен бөлісті.
Шахтинскіде өндірілетін пенопласт жаңа ғимараттардың құырылысында пайдаланылады. Ол жылу оқшаулағыш плиталар жасау, полистирол бетонын өндіру үшін қолданылады. Мысалы, клиенттердің бірі – облыста жылы үйлер салатын үй құрылысы комбинаты. Өнім моноқаладан үлкен жүк көліктерімен республиканың басқа да көптеген өңірлеріне тасымалданады.
Көбік тақталарын тамақ өнеркәсібі кәсіпорындары да сатып алады. Материал тауарларды тасымалдау кезінде ыңғайлы.
Жүктеме ұлғайған сайын бір желі жеткіліксіз болды. 2013 жылы екіншісі орнатылды. Өндірісті кеңейту үшін кәсіпкер моноқалаларды дамыту бағдарламасы бойынша мемлекеттік қолдауды пайдаланды.
Жұмыс орындарының саны да артты. Кәсіпорында қазір 25-ке жуық адам еңбек етеді. Жазғы маусымда құрылыс материалдарына сұраныс үлкен болған кезде қосымша жұмысшылар қабылданады. Жергілікті тұрғындардың жұмысқа орналасу мүмкіндігі бар.
Өндірістің барлық кезеңдері көрсетілді. Шикізат агрегатқа тиелді. Процесс автоматтандырылған.
Полистирол түйіршіктері көбіктеніп, көлемі ұлғаяды. Көліктен ақ түсті көбік блогы шықты, оны мұнда орама деп атайды. Оны бірден кептіруге апарады.
Материал біраз жатуы керек. Содан кейін ол автоматты түрде кесуге жарамды болады, оны арнайы ішекті станок жасайды. Тапсырмаға байланысты пішіндер мен өлшемдер кез-келген болуы мүмкін.
Өнімдер тұтынушыға плиталарда немесе шар тәріздес етіп жеткізіледі.
Құрылыс индустриясында пенопласт әмбебап қасиеттерге ие болуына өте байланысты танымал. Ол жылу өткізгіштігі мен дыбыс оқшаулай алатыны үшін жоғары бағаланады. Сонымен қатар, материал берік болып саналады.