Жұмыссыздар Жаңаөзенде аштық жариялады

Жаңаөзенде бір топ жұмысшы әкімдіктің алдына жиналып, аштық жариялады, деп хабарлайды BAQ.KZ.

Lada.kz-тің мәліметінше, ғимараттың алдына жиналғандардың саны 25-ке жуық.

Олар талаптары орындалмайынша әкімдіктің алдында түнемек.

Осы уақытқа дейін бізге жұмысқа орналасу мәселесін шешуге көмек көрсетілмегендіктен, біз аштық жариялауға ниеттіміз, - дейді жиналғандар.

Айта кетейік, осыған дейін Жаңаөзендік мұнайшылар Астанаға тұрақты жұмыс пен жалақы талап етіп келген еді. Олардың талаптары қаралып, тиісті басшылармен келіссөздер жүргізілген болатын.

ВИДЕО: Lada.kz