Жойқын жер сілкінісінен кейін киттер жағаға шығып қырылып жатыр

Камчаткадағы жер сілкінісінен кейін Жапония жағалауына 4 кит шығып қалған, деп хабарлайды BAQ.KZ тілшісі lenta.ru-ға сілтеме жасап.

Камчатка жағалауында болған жойқын жер сілкінісінен кейін Жапонияның Тиба префектурасындағы жағалауға 4 кит шығып қалған. 

Жергілікті тұрғын Хейсаура жағажайында (Татэяма қаласы) серфингке дейін толқын жағдайын тексеруге келгенде, жағада жатқан 4 сүтқоректі жануарды байқаған.⠀

Бұған дейін де жағалауға шығып қалған китті көргенмін, бірақ алғаш рет бірден төртеуін көріп тұрмын, – дейді ол.

Еске сала кетейік, Камчатка жағалауында магнитудасы 8,7 болатын күшті жер сілкінісі тіркелді. Аймақта цунами қаупі жарияланды. 

Жапонияның жағалау аймақтарында да сейсмикалық белсенділікке байланысты қауіп жоғары күйінде қалып отыр.