Жолы болғыш отбасы лотерея ұтудың құпиясын бөлісті

Канаданың Онтарио провинциясында тұратын ерлі-зайыптылар 12 жыл бұрынғы жетістігін қайта қайталады, деп хабарлайды BAQ.KZ UPI басылымына сілтеме жасап.

Нэнси мен Роберт Уиттен 2024 жылдың желтоқсанында лотереяға қатысып, жеті нөмірдің алтауын дәл тапқан. Олардың бұл жолғы 69 712 доллар (шамамен 35 миллионға жуық теңге) көлеміндегі ұтысы олар үшін тосын жаңалық болды. Жеңімпаздар билетті үйде отырып тексергендерін, тіпті бірнеше рет қарап, өз көздеріне сенбегендерін айтады.

Бұл шынайы өмір сияқты сезілмеді, – дейді Нэнси.

Ерлі-зайыптылар 41 жыл бірге өмір сүріп келеді. Олар 2012 жылы да лотереядан осындай көлемде ақша ұтып алған екен.

Джекпотты екінші рет ұтқанымызға сену қиын болды, – дейді Роберт.

Нэнси мен Роберт ұтыстан түскен ақшаны қарыздарын төлеуге және жуынатын бөлмені жөндеуге жұмсайтындарын айтты.