Жоғалып кеткен тиктокер табылды

Жетісуда тау арасында жоғалып кеткен тиктокер аман-есен табылды, деп хабарлайды BAQ.KZ.

6 маусымда сағат 15:00 шамасында 1986 жылы туған ер адам Ескелді ауданының тауларында орналасқан Бұрқан бұлақ сарқырамасына қарай велосипедпен шығып қайта оралмаған.

Ол Алматылық саяхатшы, tik-tok әлеуметтік желісінде өз блогын жүргізеді.

Құтқарушылар оны сағат 12:00-де Бұрқан бұлақ сарқырамасынан 12 км қашықтықта тауып алды.

Іздеу жұмыстарын жүргізуге ТЖМ 12 қызметкері мен 4 техникасы және кинологиялық есептобы жұмылдырылды. Қазіргі уақытта олар қалаға қарай бет алуда.

Еске салсақ, Жетісу облысының тауларында хабар-ошарсыз кеткен тик-токер іздестіріліп жатқанын хабарлаған едік.