Алматыда жоғалып кеткен аутист бала табылды
Алматы, BAQ.KZ. Алматы полицейлері аутизммен ауыратын 13 жасар Тимур Юсуповты үйіне тауып әкеп берді. Бұл туралы қалалық Полиция департаментінің баспасөз қызметі хабарлады.
Полиция берген ақпаратқа сүйенсек, баланың жоғалғаны туралы мәлімет келісімен бірнеше іздеу тобы құрылған.
«Түнгі сағат бірлер шамасында жол-патрульдік полиция экипажы баланы Әуезов ауданынан тапқан. Абырой болғанда оған ештеңе болмаған, дін аман. Бала адасып кеткен. Кейін Алмалы ауданы полиция басқармасының полицейлері Тимурды ата-анасына тапсырды», - дейді полиция полковнигі Ләйлә Әліпбаева.
26 қыркүйек күні волонтерлер инстраграмдағы volontery_almaty_lider.kz аккаунтында «Кеңес» оңалту орталығынан аутизммен ауыратын баланың шығып кетіп, жоғалғаны туралы хабарлаған болатын.