Жезқазғанда есірткі жарнамасын таратқан адам ұсталды

Жезқазған қаласында ақшалай сыйақы үшін интернет-сайттардың мекенжайларындағы есірткі жарнамасы туралы хабарландыру қалдырған ер адам ұсталды, деп хабарлайды BAQ.KZ.

Облыстық прокуратураның баспасөз қызметінен хабарлағандай, 26 жастағы жігітке сот үкім ішықты.

Сот үкімімен кінәлі деп танылып, оған 3 жыл 6 айға бас бостандығынан айыру жазасы тағайындалды, - делінген хабарламада.

Ұлытау облысының прокуратурасы есірткі заттарын тарату және оларды жарнамалау үшін қылмыстық жауаптылық қарастырылғанын ескертеді.

Үкім заңды күшіне енбеген.