Жетісуда Талдықорған-Үшарал бағытында көлік қозғалысына шектеу қойылды

«Алматы-Өскемен» автожолының 287-557 шақырымы аралығында жүк көліктері мен қоғамдық көліктерге шектеу қойылды, деп хабарлайды BAQ.KZ.

Жергілікті полиция қызметкерлері жолаушыларға жолда сақ болуды ескертеді.

«ҚазАвтожол» ҰҚ-ның мәліметінше, ауа райының қолайсыздығына байланысты Талдықорған — Үшарал бағыты бойынша уақытша шектеу қойылды.

Сағат 22:00-ден бастап «Алматы-Өскемен» автожолының 287-557 шақырым аралығында (Талдықорған қаласынан Үшарал қаласына дейін) жүк көліктері мен қоғамдық көліктерге (автобус) шектеу қойылды, — деп жазылған хабарламада.

Сондай-ақ, жолға жауапты компания тәулік бойы жүргізушілерге республикалық трассалардың жағдайы туралы мәліметті ұсынуға дайын. Ақпаратты 1403 байланыс орталығына хабарласып білуге болады.