Жетісуда құтқарушылар 12 адамның өмірін аман алып қалды

Жетісу облысы Алакөл ауданында "Үшарал – Достық" Теректі учаскесінің тас жолында ТЖМ күшімен 12 адам құтқарылды, деп хабарлайды BAQ.KZ.

Белгілі болғандай, 6 жүк көлігі мен 2 жеңіл автокөлік қар құрсауында қалып қойып, құтқарушылардың көмегі қажет болды.

Ауа райына қарамастан, құтқарылғандардың барлығы Достық станциясына "КУНГ" жоғары өтімді техникасымен жеткізілді. Медициналық көмек қажет болмады, - деп жазылған ТЖМ мәліметінде.

ТЖМ азаматтардан қолайсыз ауа райы жағдайында елді мекендерден кетпеуді сұрайды.