Жетісу облысында жол апатынан бір адам қаза тапты

Жетісу облысында жол апатынан бір адам қаза тауып, екі адам жарақаттанды, деп хабарлайды BAQ.KZ.

7 мамырда Жетісу облысының Ақсу ауданында Hyundai Tucson және ГАЗ-53 автокөліктерінің қатысуымен жол-көлік оқиғасы болды.

Алматы-Өскемен тас жолының 360 шақырымында кроссовердің жүргізушісі жүк көлігін басып озуға әрекеттеніп, онымен жанама соқтығысып, нәтижесінде жол жиегіне шығып кетіп, аударылды.

54 жастағы әйел оқиға орнында көз жұмды.

Hyundai жүргізушісі мен тағы бір жолаушы түрлі жарақаттармен жақын жердегі ауруханаға жеткізілді. Жол-көлік оқиғасы бойынша қажетті сараптамалар тағайындалып, сотқа дейінгі тергеу амалдары басталды.