Жетісу облысында құтқарушылар қар құрсауынан төрт адамды құтқарды

Түнде Алакөл ауданында республикалық маңызы бар Қабанбай-Үшбұлақ автожолында автокөлік қар құрсауында кептеліп қалды, деп хабарлайды BAQ.KZ.

Құтқарушылар дереу оқиға орнына жетіп, көлік ішіндегі төрт адамды қар құрсауынан шығарды.

Оларға медициналық көмек қажет болмады. Азаматтар жақын маңдағы елді мекенге жеткізілді, - деп жазылған ТЖМ хабарламасында.

ТЖМ ел азаматтарынан қауіпсіздік ережелерін қатаң сақтауға шақырады. Ауа райының өзгеруін, жолдардағы қозғалыстың шектелуін қадағалауды сұрайды.