Жетісу облысында оншақты көлік өртеніп кетті

Жетісу облысында жеңіл көліктерді тиеген екі автотасығыш соқтығысып, өрт шықты, деп хабарлайды BAQ.KZ.

Батыс Еуропа-Батыс Қытай тас жолының 278-шақырымында екі жүк көлігі соқтығысқан. Апат салдарынан жүк көліктері де, ондағы жеңіл көліктер де жанып кетті. 

Бірінші көліктің жүргізушісі аман, екінші жүргізушінің тағдыры әлі белгісіз.

Оқиға орнында ТЖМ қызметкерлері өртті сөндіріп жатыр, апат себебі анықталуда.