Жетісу облысында көлік қозғалысына уақытша шектеу енгізілді

Жетісу облысында көлік қозғалысына уақытша шектеу енгізілді. Бұл туралы «ҚазАвтоЖол» ҰК баспасөз қызметінен мәлім етті, деп хабарлайды BAQ.KZ.

2026 жылғы 12 ақпан сағат 21:20-дан бастап ауа райының күрт бұзылуына байланысты «Алматы – Талдықорған – Өскемен – Шемонаиха – РФ шекарасы» автожолының 173–234 шақырым аралығында (Сарыөзек ауылынан Жамбыл ауылына дейін) жүк және қоғамдық көліктердің қозғалысына уақытша шектеу енгізілді, - делінген хабарламада.

Жол қозғалысын 2026 жылғы 13 ақпан сағат 01:00-де қайта ашу жоспарланып отыр.

Жол мамандары жүргізушілерден ауа райы жағдайын ескеріп, сапарларын алдын ала жоспарлауды сұрайды.