Жетісу облысында көлік қозғалысына шектеу қойылды

Бүгін 13:20-да ауа райының бұзылуына байланысты "Үшарал-Достық-ҚХР шекарасы" автожолының 84-164 шақырым аралығындағы учаскесінде (Көктұма стансасынан Достық стансасына дейін) көліктердің барлық түрінің қозғалысына шектеу қойылады, деп хабарлайды BAQ.KZ ҚазАвтоЖол сілтеме жасап.

2025 жылғы 20 қаңтар Абай, Ақмола, Ақтөбе, Атырау, Батыс Қазақстан, Жамбыл, Павлодар, Түркістан, Солтүстік Қазақстан, Қарағанды, Қостанай, Қызылорда, Маңғыстау, Шығыс Қазақстан және Ұлытау облыстарының кей жерлерінде қар күтілуде.
Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз, -делінген хабарламада.

1403 байланыс орталығына хабарласып, тәулік бойы қосымша ақпарат алуға болады.