Жетісу облысында 3000 гектарға жуық жер мемлекеттік меншікке қайтарылды

Ауыл шаруашылығы министрлігінің Жер ресурстарын басқару комитеті Жетісу облысының Жер ресурстарын басқару департаменті «А» ЖШС-не ауыл шаруашылығы мақсатындағы жер учаскесінің нысаналы мақсаты бойынша пайдаланылмауына қатысты жоспардан тыс тексеру жүргізді, деп хабарлайды BAQ.KZ.

Ақсу ауданында орналасқан учаскенің ауданы 2910,0 га құрады.

Тексеру нәтижесінде ҚР Жер кодексінің 92-бабының бұзушылықтары анықталды, оған сәйкес ЖШС бір жыл мерзімге орындау үшін міндетті нұсқама берді.

ЖШС-ке шығарылған ұйғарымның талаптары орындалмады. Осыған байланысты департамент Ақсу аудандық сотына ЖШС қатысты әкімшілік шараларды қолдану туралы талап арыз жолдады.

Сот қаулысымен ЖШС-ге 1 млн 292 мың теңге айыппұл салынды.

Қазіргі уақытта Департамент жер учаскесін мемлекет меншігіне қайтару бойынша жұмыс жүргізуде.

Жерді мақсатты және ұтымсыз пайдаланғаны үшін жер пайдаланушылар «жосықсыз жер пайдаланушылар» тізіліміне енгізілетінін қосамыз. Жер кодексінің 96-1-бабына сәйкес жер учаскелері мәжбүрлеп алып қойылған адамдардың тізіліміндегі жеке және заңды тұлғаларға жер учаскелерін беруге жол берілмейді.