Жер сілкінісі. Таиландта зардап шеккен қазақстандық бар ма?

Таиландта зардап шеккен қазақстандықтар туралы ақпарат түскен жоқ. Бұл туралы Сыртқы істер министрлігінің ресми өкілі Айбек Смадияров айтты, деп хабарлайды BAQ.KZ тілшісі.

Қазақстанның Таиландтағы Елшілігінің ақпараты бойынша жер сілкінісіне байланысты осы елдегі отандастарымыздан қандай да бір өтініштер келіп түскен жоқ, - дейді Сыртқы істер министрлінің өкілі BAQ.KZ тілшісінің сауалына жауап бере отырып.

Еске салайық, бұған дейін Таиланд пен Мьянма елінде жер сілкініс салдарынан көпірлер қирап, биік ғимараттар құлағанын жазған едік.