Жеңімпаздарды жанкүйерлері күтіп алды

Қытайдың Ханчжоу қаласындағы жазғы Азия ойындарында жүлдегер атанған спортшыларды жанкүйерлері қарсы алды, деп хабарлайды BAQ.KZ тілшісі.

Елорда әуежайында түнгі 00:35-ке қарамастан спортшыларды күтіп алуға келген жанкүйерлер көп. 

Ханчжоудан жеңіспен оралған жүлдегерлердің қатарында бокстан күміс жүлдегер Қамшыбек Қоңқабаев пен Карина Ибрагимова бар. 

Сондай-ақ 66 келіде ел намысын қорғап қола жүлдегер атанған Наталья Богданова да осы қатарда. 

Әуежайдан жанкүйерлер қолдау сөз айтып, жеңімпаздарды жеңісімен құттықтады.