Жемқорлар енді ақшаны шетелде жасыра алмайтын болды
Нұр-Сұлтан, BAQ.KZ тілшісі. Бұл туралы ҚР Сыбайлас жемқорлыққа қарсы іс-қимыл агенттігінің төрағасы Марат Ахметжанов Сыбайлас жемқорлыққа қарсы іс-қимыл агенттігінің жарты жылдықтағы қорытындысы бойынша алқа отырысында айтты.
Оның айтуынша, Парламент жұмысы аяқталғанға дейін Мәжіліске тиісті түзетулер енгізілген.
Ол агенттіктің шығыстары олардың заңды кірістерінен едәуір асатын мемлекеттік қызметшілердің жауапкершілігін күшейтуді ұсынғанын атап өтті. Бұл жағдайда шенеунікке айыппұл немесе жұмыстан босату қаупі бар.Түзетулердің негізгі новеллаларының бірі негізсіз баю үшін жауапкершілікті енгізу болады. Бұл биылдан бастап іске қосылған жалпыға бірдей декларациялау тетігінің логикалық жалғасы болып табылады, – деді ол.
Агенттік төрағасы негізсіз байығаны үшін жауапкершілікті белгілеу халықаралық сарапшыларды бағалаудың негізгі критерийлерінің бірі болып табылатынын айтты.Елдің барлық тұрғындары жалпыға бірдей декларациялаумен қамтылған кезде новелла жұмыс істей бастады. Бұл «follow the money» қағидасымен тығыз байланысты, яғни Мемлекет басшысы айтқан «ақшаға ер». Ол үшін Қазақстан ЭЫДҰ-ның салық ақпаратын Автоматты алмасудың Дүниежүзілік жүйесіне қосылуда. Оның көмегімен біз шетелдік шоттар мен активтер туралы мәліметтер алу мүмкіндігіне ие боламыз. Енді жемқорлар ақшаны шетелде жасыра алмайды, - деп атап өтті Ахметжанов.