Жеңіс Қасымбек Қарағанды облысындағы астық жинау науқаны барысымен танысты

Нұр-Сұлтан, BAQ.KZ. Қарағанды облысында егін жинау науқаны жүріп жатыр. Егістіктерде жұмыс әдеттегіден он күн бұрын басталды. 

Жазда жауын-шашын көп болмаса да, шаруалар астықтың сапасы жақсы болады дейді.

Осы өнім жинау маусымында облыстың 33 ірі шаруашылығы резервтік қорға 36 мың тонна астық жөнелтеді, бұл өткен жылғы көрсеткіштен 6 мың тоннаға артық. Ол өз кезегінде көктемде нан бағасын ұстап тұруға мүмкіндік береді. Тұрақтандыру қоры дәстүр бойынша жергілікті өндірушілердің көкөністеріне толы болады. Облыс фермерлері қоймаға 2,5 мың тонна картоп, 400 тонна сәбіз, 200 тонна қырыққабат жөнелтеді. Олар тек біздің облысты ғана емес, сонымен қатар өз тауарларын Алматы, Шымкент және Түркістан облысына жөнелтеді. 

Биыл минералды тыңайтқыштарға 760 млн теңге субсидия бөлінді. Бұл өткен жылдан 2 есе көп. Нәтижесінде минералды тыңайтқыштар көлемі 147 мың гектарға артқанын көріп отырмыз. Жергілікті биліктен тағы қандай көмек қажет, қандай проблемалар бар? – деп сұрады Жеңіс Қасымбек аграршылармен кездесу барысында. 

Ауыл тұрғындары қазір бір күнді де мүлт жібермей жатқандарын айтты. Егіс алқаптарында жұмыс белсенді жүріп жатыр. Карантиндік режимге қарамастан, айтарлықтай проблемалар жоқ. Аграрийлер ауыл шаруашылығы техникасын жаңартуда, кейбіреулер егіс алаңын ұлғайтуға тырысуда, ал жаңбыр егінді бүлдірмеуі үшін бүгінгі таңда көптеген адам заманауи кептіру кешендерін іске қосты. Олар өңіріміздегі ауа райы үнемі құбылмалы болғандықтан, бұл құрылғылар қажет дейді. 

Мысалы, Осакаров ауданында «Жаңа Ай» ЖШС басшысы Вячеслав Шамордин 5 мың тонна астық сақтауға арналған заманауи кептіру кешенін таныстырды. 

Газгольдерлер, бу шығарғыштар орнатылды. Іске қосу жұмыстарын жүзеге асырып жатырмыз. Барлығы автоматтандырылған. Бір жолғы сақтау 5 мың тоннаны құрайды. Сағатына 100 тонна астық қабылдап, кептіре аламыз. Бұл қондырғыға 300 млн теңгеден астам қаражат жұмсалды, бірақ біз бүгін бұл кешен бізді шығындардан құтқара алатынын түсінеміз, - деді Вячеслав Шамордин. 

Егін жинауға барлығы 2 345 астық жинайтын және 60 картоп жинайтын комбайн жұмылдырылды. Ауыл шаруашылығы кәсіпорындары арзандатылған дизель отынымен қамтамасыз етілген.