Кеше 2026, 21:32
Фото: unsplash.com
Алматыдағы оқу-жаттығуда граната жарылып, полицейлер зардап шекті
Алматы полиция департаментінің баспасөз қызметінің мәліметінше, жоспарлы оқу-жаттығу кезінде өлімге әкелмейтін қол жарық-дыбыстық гранатасы мерзімінен бұрын жарылған.
Әлеуметтік желілерде Алматы облысындағы оқу-жаттығу барысында Алматы қаласы Полиция департаментінің 15 қызметкері граната жарылысынан зардап шекті деген ақпарат тарады.
Алматы полиция департаментінің баспасөз қызметінің мәліметінше, жоспарлы оқу-жаттығу кезінде өлімге әкелмейтін қол жарық-дыбыстық гранатасы мерзімінен бұрын жарылған.
Техникалық оқиға болған жердің маңында жүрген қызметкерлерге қажетті медициналық көмек көрсетілген. Аталған дерек бойынша қызметтік тексеру жүргізілуде, - делінген хабарламада.
Ведомство өкілдері қызметкерлердің жаппай жарақат алғаны және олардың жағдайы ауыр екені туралы ақпараттың шындыққа сәйкес келмейтінін мәлімдеп, азаматтарды жалған ақпарат таратпауға шақырды.