Жатақхана жыры. Министр мәселенің қалай шешіліп жатқанын айтты

Ғылым және жоғары білім министрі Саясат Нұрбек жатақхана тапшылығы қалай жойылатынын айтты, деп хабарлайды BAQ.KZ тілшісі.

Студенттер үшін оқу жылының басында маңызды мәселелердің бірі – жатақхана мәселесі. Бүгінгі таңда Алматы мен Астанадан басқа барлық өңірде тапшылық мәселесі шешілді, – деді министр үкімет отырысында.

Оның айтуынша, жатақханалар салуға арналған мемлекеттік тапсырыс механизмі оңтайландырылды.

Бір орынға арналған норматив (АЕК) 40%-ға ұлғайтылды, сондай-ақ мемлекеттік тапсырысты орналастыру мерзімі 8 жылдан 6 жылға дейін қысқартылды. Бұл механизмдер заманауи дизайны бар, жасыл кампус тұжырымдамасымен және шетелдік студенттік резиденциялар (student residence) форматына сәйкес келетін жатақханалар салуға мүмкіндік берді, – деді ведомство басшысы.