Жастар жылы. Студенттер үшін жаңа мүмкіндіктер

Астана, BAQ.KZ тілшісі.  Жастардың жалпы құрылымында оның ең белсенді бөлігі - студенттік жастарға ерекше орын беріледі. Мемлекет басшысы да Жастар жылының ашылуында сөйлеген сөзінде студенттерге ерекше көңіл бөлді. Бұл туралы Қазақстан Республикасы Президентінің жанындағы ҚСЗИ халықаралық зерттеулер бөлімінің ғылыми қызметкері Темірлан Ескендір айтты.

Назарларыңызға сарапшының Жастар жылына деген пікірін ұсынамыз.

"Мемлекет басшысының тапсырмасымен 2019 жыл Қазақстанда Жастар жылы деп жарияланды.

Елбасының 2018 жылдың 5 қазанындағы Қазақстан халқына жыл сайынғы Жолдауында өмір сүру және оқу үшін қолайлы жағдайлар жасау қажеттілігі атап өтілген болатын.

Университетте білім алу – бұл жастардың өміріндегі маңызды кезең. Адамның кəсіби дамуының жетістігі, оның есеюі университеттегі білім сапасына тікелей байланысты.

Сыртқы және ішкі академиялық ұтқырлықты кеңейту студенттерге жаңа мүмкіндіктер ашады. Студенттер тек жақсы білім беру тәжірибесін үйреніп қана қоймай, жоғары білім беруді дамытудағы бәсекелестік элементін де енгізеді.

Бұған жоғары білім берудің, бейресми және қосымша білім берудің түбегейлі жаңа бағытының кең дамуы бағытталатын болады. Студент нені үйрену керектігін, қайда үйрену керектігін және қалай үйрену керектігін таңдайды. Университеттер оқытудың жаңа қажеттіліктері мен жастардың қажеттіліктеріне икемді түрде жауап беруі керек.

Университеттердің академиялық еркіндігін кеңейту мүмкіндіктердің жаңа көкжиектерін ашады. Жоғары оқу орындары бұл білім бағдарламаларын, жас маман үшін шын мәнінде қажет болатын пәндерді өз бетімен қабылдайды. Сондықтан, жұмыс берушілер алдында сарапшылар қауымдастығының білім беру бағдарламаларын әзірлеуге қатысуы уақтылы және тиімді шара болып табылады", - деді ол.

 Ержан Жаубай