Шаңғы жарысынан Қазақстан кубогі басталды

Нұр-Сұлтан, BAQ.KZ. Алматыда "Алатау" тау-шаңғы базасында шаңғы жарысынан Қазақстан кубогінің І кезеңі басталды. 

Olympic.kz-тің хабарлауынша, жарыстың бірінші күнінде жекелей сындар бойынша жеңімпаздар мен жүлдегерлер анықталды.

 Әйелдер арасындағы бәсекеде Анна Шевченко 16:03.0 көрсеткішімен жеңімпаз атанды. Ксения Шалыгина (16:03.8) екінші орынға ие болса, Ирина Быкова (16:08.9) үшінші орынға тұрақтады. 

Ерлер арасында Виталий Пухкало (27:12.6) алтынға қол жеткізді. Евгений Величко (27:43.0) күміс, Олжас Климин (28:11.9) қолаға қол жеткізді.