Жапонияның бұрынғы премьер-министрі қайтыс болды

Нұр-Сұлтан, BAQ.KZ. Жапонияның экс премьер-министрі Синдзо Абэге қастандық жасалған еді. 

Нара қаласының өрт сөндіру қызметі қалалық ауруханаға жеткізілген бұрынғы премьер-министр Абэның жүрегі мен тыныс алуы тотағанын хабарлаған. 

Либералдық-демократиялық партияның бұрынғы басшысы ауыр жараланған деп жазады Kyodo агенттігі.

Синдзо Абэге үгіт-насихат науқаны барысында елдің батысындағы префектура – Нарада көпшілік алдында сөз сөйлеп тұрған кезінде оқ атылған. Белгілі болғандай, полиция күдіктіні оқиға орнында ұстаған. Ол жасы қырықтар шамасындағы ер адам болып шықты. 

Экс-шенеунік бірден ауруханаға жеткізілді. Жүрегі мен тыныс алуы тоқтап қалған Абэге шұғыл көмек көрсетілген. Оқиға орнында болған куәгерлер атылған тапанша дауысы мен қанға бөгіп жатқан Синдзоны Абэні көргендерін айтып отыр.