Жапонияда құс тұмауының он ошағы анықталды

Нұр-Сұлтан, BAQ.KZ. Осыған дейін құс тұмауы вирусы анықталған фермадан 10 шақырым радиустағы Сига префектурасында тағы алты құс фермасы бар. Мұнда құс тұмауының өршуі тіркелді. Бұл туралы Kyodo агенттігі хабарлады.

Бір күн бұрын Хигасиоми елді мекеніндегі фермада 50-ден астам өлген тауық табылды. Талдаулар құс тұмауына оң реакция көрсетті. Оның жоғары патогенділігіне күдік бар.

Шаруашылықта алдағы күндері 11 мыңнан астам құс жойылады. Ферма айналасындағы 3 шақырымдық аймақта тауықтар мен жұмыртқалардың алыс-берісіне карантин енгізілді.

Құс тұмауы вирусы анықталған фермадан 10 шақырым радиустағы Сига префектурасында алты құс фермасында шамамен 58 мың тауық өсіріледі. Қазіргі уақытта басқа фермаларда құс тұмауының ошақтары туралы хабарлама түскен жоқ.

Сига осы жылы жергілікті билік құс тұмауы ошағын тіркеген Жапониядағы оныншы префектура болып отыр.

Бұған дейін Кагава, Миязаки, Нара, Фукуока, Хего, Оита, Хиросима, Вакаяма және Окаяма жапон префектураларында инфекцияның өршуі анықталған. Осыған байланысты аталған аймақтарда 2,5 миллионнан астам тауық сойылды.