Жапонияда 100 жастан асқан тұрғындар саны 80 мыңнан асты

Нұр-Сұлтан, BAQ.KZ. Жапонияда алғаш рет 100 жасқа толған 80 мыңнан аса адам тіркелді, деп хабарлайды Kyodo.

Жапонияның Денсаулық сақтау, Еңбек және әлеуметтік қамсыздандыру министрлігі жариялаған мәліметтерге сәйкес, жүзжылдықтар саны өткен жылмен салыстырғанда 9 176 адамға артып, 80 450-ге жетті. Бұл ретте жалпы санның 88,2 пайызы - әйелдер.

Дереккөз мәліметінше, 2019 жылы Жапонияда өмір сүрудің орташа ұзақтығы әйелдерде 87,45 жыл, ал ер адамдарда 81,41 жыл болған, бұл рекордтық көрсеткіш деп жазады басылым.