Жапония Филиппинмен әскери келісімге қол қойды

Жапония мен Филиппин бірлескен әскери оқу-жаттығу жүргізу үшіе Филиппинге жапон әскерін орналастыруға рұқсат беретін негізгі қорғаныс пактіне қол қойды, деп хабарлайды BAQ.KZ.

Associated Press агенттігінің мәліметінше, өзара қолжетімділік туралы келісім сондай-ақ филиппин әскерлеріне Жапонияға да әскери дайындық үшін кіруге мүмкіндік береді. Келісімге Филиппиннің қорғаныс министрі Хильберто Теодоро мен Жапонияның сыртқы істер министрі Йоко Камикава Манилада өткен жиында қол қойған. Келісім екі тараптың заң шығару органдары ратификациялаған соң күшіне енеді деп отыр.