Жануардың өмірі мен денсаулығына олардың иесі дербес жауап береді

Нұр-Сұлтан, BAQ.KZ тілшісі. Бұл туралы ҚР Экология, геология және табиғи ресурстар министрлігінің вице-министрі Әлия Шалабекова Президент жанындағы ОКҚ-да өткен брифингте айтты.

Жануарларға қатыгездіктің жиі кездесетін фактілері қоғам мен үкіметтің алаңдаушылығын арттырады. Мемлекет басшысының өткен жылғы жолдауында көрініс тапқан осы мәселеге назар аудару деңгейі мемлекеттік реттеудің маңыздылығы мен қажеттілігін көрсетеді. Заң жобасын қабылдаудың мақсаты жануарларға қарауды құқықтық реттеу, оларға ізгілікті қарау болып табылады, оның өлшемі жалпы қабылданған этикалық құндылықтар шеңберінде жануарлар мен адамның әл-ауқаты, - деді ол.

Шалабекова атап өткендей, заң жобасы азаматтардың адамгершілік тәрбиесінің идеологиясын қалыптастырады.

Ол жануарларды ұстаудың моральдық және адамгершілігінің негізгі принциптерін атады.

- жануарларды ауыру мен қиналуға әкеп соқтыратын жаратылыс ретінде қарау;

- жануардың өмірі, денсаулығы және әл-ауқаты үшін иесінің дербес жауапкершілігі;

- жануарларды қатыгездіктен қорғау;

- халықтың жануарларға жанашырлық және адамгершілік қатынасқа тәрбиелеу.

Осы қағидаттарды іске асыру үшін талаптар мен ережелерді белгілеу арқылы осы құқықтық қатынастарды мемлекеттік реттеу тетіктері бекітіледі, - деді ол.