"Жаңбыр, көктайғақ". Еліміз бойынша 25 наурызға арналған ауа райы болжамы

"Қазгидромет" РМК еліміз бойынша 25 наурызға арналған ауа райы болжамын ұсынды, деп хабарлайды BAQ.KZ.

Синоптиктердің болжауынша, еліміздің басым бөлігінде тұрақсыз күн райы сақталады.

Атмосфералық фронтальды бөліктердің өтуіне байланысты ҚР-дың басым бөлігінде ауа райының тұрақсыз сипаты сақталады, солтүстік өңірде жаңбыр мен қар түрінде жауын-шашын, көктайғақ болады, сондай-ақ жаяу бұрқасын жүреді деп күтіледі. Еліміздің тек батысында, оңтүстік-шығысында жауын-шашынсыз ауа райы болады. Қазақстанның барлық өңіріне тұман көрініс тауып, желдің екпіні 15-20 м/с дейін күшеюі ықтимал, - деп жазылған "Қазгидромет" хабарламасында.