Жаңа министр бюджетті игере алмай отырған әріптестерін атады

Қаржы министрі Мәди Тәкиев республикалық бюджетті игере алмай отырған министрлерді атады, деп хабарлайды BAQ.KZ тілшісі.

Мемлекеттік бюджеттің шығыстары 96,9%-ке, республикалық бюджеттің шығыстары – 97,8%-ке, жергілікті бюджеттердің шығыстары 94,5%-ке атқарылды. Республикалық бюджет бойынша 1,5 трлн теңге сомасына шығыстар жүргізілді, - дейді ол.

Тәкиевтің мәліметінше, 33 млрд теңге игерілмей отыр, оның ішінде 13 млрд теңге үнемделген. Яғни нақты игерілмегені – 20 млрд теңге.

Ең көп игерілмеу сомасы мәдениет және ақпарат, экология және табиғи ресурстар, ішкі істер, қорғаныс министрліктерінде қалыптасты. Игерілмеудің негізгі себептері - 663 млн теңгеге мемлекеттік сатып алу бойынша өткізілмеген конкурстар, конкурстық рәсімдер мен шарттар жасасу рәсімдерін ұзақ уақыт өткізу.