Жамбылдағы жер сілкінісінен кейінгі жағдай: ТЖМ жедел штабының кеңесі өтті

ТЖ вице-министрі Батырбек Әбдішевтің төрағалығымен ТЖМ Жедел штабының кеңесі өтті, деп хабарлайды BAQ.KZ.

ТЖМ командалық орталығында Жамбыл облысындағы жер сілкінісінен кейінгі іс-қимылдарды үйлестіру жөніндегі мемлекеттік органдар өкілдерінің қатысуымен кеңес өтті.

ҚР ТЖМ "Қазселденқорғау" ММ филиалының мамандары аса қауіпті учаскелерге тексеру жүргізді. Топырақтың ірі зақымданулары, деформациялары, жарықтары мен шөгулері анықталған жоқ.

Сондай-ақ Меркі және Т.Рысқұлов аудандарындағы республикалық маңызы бар жолдар тексерілді. 100-ден астам маман мен 40-тан астам техника жұмылдырылды.

Тіршілікті қамтамасыз ету объектілері мен аса маңызды инфрақұрылымдар штаттық режимде жұмыс істеуде. Алаңдауға негіз жоқ.

Еске салайық, бүгін ел оңтүстігінде жер сілкінді. Сондай-ақ, жер сілкінгенде не істеу керек екені туралы жазған болатынбыз.