Жамбылда тұрмыстық техника тиелген жүк көлігі өртке оранды

Жамбыл облысында құтқарушылар жанып жатқан жүк көлігіндегі өртті сөндірді, деп хабарлайды BAQ.KZ.

Төтенше жағдайлар министрлігінің мәліметіне сүйенсек, оқиға "Алматы-Ташкент" тас жолының 145 шақырымында орын алған.

Тұрмыстық техника болған жүк көлігінің бөлімінде өрт болды. Құтқарушылар өртті оқшаулады. Зардап шеккендер жоқ, - делінген хабарламада.

ТМЖ азаматтарды сақ болуға шақырады. Автомобиль көлігінде төтенше жағдай туындаған жағдайда 112 нөміріне қоңырау шалыңыз.