Жамбылда 20 шетелдік азамат әкімшілік жауапкершілікке тартылды

Нұр-Сұлтан, BAQ.KZ. Жамбыл облысында екі күн ішінде 20 шетелдік азамат әкімшілік жауапкершілікке тартылды, деп хабарлайды Polisia.kz.

Алдын алу іс-шарасын өткізудің негізгі мақсаты ұзақ уақыт облыс аумағында заңсыз жүрген шетел азаматтарын, сондай-ақ жол жүру билеттерін сатып алуда қаржылық қиындықтарға тап болған шетел азаматтарын анықтау болып табылады.

«Мигрант» жедел-алдын алу іс-шарасы өткізілген екі күн ішінде көші-қон заңнамасын бұзғаны үшін 20 шетелдік азамат әкімшілік жауапкершілікке тартылды.

Қазақстан Республикасының халықтың көші-қоны саласындағы заңнамасын бұзғаны үшін шетелдіктерді қабылдайтын Қазақстан Республикасының 45 азаматы әкімшілік жауапкершілікке тартылды.